Notisia di polis di djárason 8 di desèmber te ku djabièrnè 10 di desèmber 2021

Den e dianan tras di lomba a tene vários kòntròl na diferente sitio.

Durante di un kòntròl na Kaminda Turístiko shofùr di un outo a haña prosèsferbal pa manehá sin reibeweis i ni seguro. A hiba e outo warda tambe te ora ku por mustra un reibeweis i prueba di seguro bálido.

Na un otro sitio a konfiská un bròmer komo ku e no tabata sigurá. E shofùr a haña un prosèsferbal komo ku e no a duna oido na òrdu di polis i pa manehá sin reibeweis i seguro. Despues di a dun’e un señal óptiko, e shofùr a sigui kore bai kas tòg. E patruya a siguié. A resultá ku e bròmer no tabatin plachi di number tampoko.

Na momentu ku durante di un kòntròl un shofùr di un skuter no por a mustra reibeweis ni seguro bálido, a hiba e skuter warda di polis. A yega di atendé ku e shofùr vários biaha kaba tokante manehá sin reibeweis i sin papelnan di seguro bálido. E shofùr a haña un prosèsferbal pa esaki. Despues di kòntròl mas aleu di e number di chasis a resultá ku esaki no tabata kuadra ku esunnan riba e prueba di seguro ku a duna. A konfiská e skuter pa investigashon mas aleu.

Durante kòntròl di un outo, banda di a duna prosèsferbal pa manehá sin reibeweis bálido i plachi di number, a topa i konfiská un kantidat chikitu di mariwana.

Mas aleu a duna vários prosèsferbal pa manehá sin plachi di number bálido, sin hèlm i sin faha di seguridat bisti. 

Kuerpo Polisial Hulanda Karibense ke rekordá ku manehá bou di influensia ta prohibí. Nos ta deseá un i tur un bon i seif wikènt.

Bo a mira algu sospechoso? Yama 717 8000 òf e liña di tep anónimo 717 7251.