Number di emergensia: 911 Liña di tep di Polis: 9310

Notisia di polis di djárason 6 di aprel te ku djabièrnè 8 di aprel 2022

Adaptá pa último biaha riba:

Kralendijk - Sambuyadó a fayesé - Riba djaweps 7 di aprel, alrededor di 11 or di mainta sentral di polis a risibí notifikashon tokante un sambuyadó den problema riba laman. E sambuyadó tabata un turista ku a a bai sambuyá ku un grupo riba un boto di sambuyá di akomodashon turístiko i a bira malu miéntras e tabata sambuyá. E otro sambuyadónan a bin kuné ariba i riba e boto na kaminda pa kosta a kuminsá mesora ku reanimashon pero esaki tabata en bano. Algu mas lat dòkter a konstatá morto. Ta trata di un hòmber di inisial J.H.F.G., nase riba promé di sèptèmber 1952.

Detenshon
Riba djaweps 7 di aprel a detené un hòmber di inisial S.K.C. na Kaya Grandi en konekshon ku e no por a mustra un ID i pa resistensia i estorbo di polis su trabou. A topa ku e hòmber drumiendo den su outo i a pidié pa mustra su ID. A sospech’é di ta bou di influensia di alkohòl, dor di kua hib’e warda di polis. Durante ku tabata listr’e el a kuminsá mustra komportashon agresivo i a detené. A dun’e un deber di mèldu tambe komo a nenga su petishon pa un pèrmit i el a surpasá su periodo di estadia.

Aksidente riba Kaya Internashonal
Den oranan di atardi riba djárason 6 di aprel un aksidente entre un outo i un skuter a tuma lugá riba Kaya Internashonal. Pa falta di duna preferensia e outo e skuter a dal den otro. Ambulans a transportá shofùr di e skuter pa hospital pa kòntròl médiko.

Disfrutá, pero bebe na midi
Atrobe ta kasi wikènt. KPCN ke avisá pa konsumí alkohòl ku límite si bo ta partisipá den tráfiko. Asina bo ta prevení situashonnan fèrfelu pa bo mes i pa otronan. Ta prohibí pa partisipá den tráfiko si bo a konsumí mas ku e kantidat máksimo permití. Si bo mester bai warda i ta haña un but ta dependé di e resultado di e tèst di supla.


Tèst di supla
Ku un tèst di suplá polis ta kontrolá si bo ta bou di influensia di alkohòl. Bo ta obligá di partisipá na e tèst di supla. E tèst aki ta mustra si bo a bebe mas ku ta permití pa lei. Resultado di e tèst aki ta determiná si bo mester bai warda investigashon mas aleu. Bo ta nenga di hasi e tèst? E ora ei bo ta haña un prosèsferbal. Dependiendo di e resultado di e tèst di supla bo mester bai warda di polis pa un análisis di rosea. Durante e investigashon aki polis ta midi presis kuantu alkohòl bo a konsumí ku un aparato spesial.
 

Bo ta manehá bou d influensia di alkohòl? E ora ei bo ta haña un but, un prohibishon (temporal) pa manehá, un kastigu di prisòn òf un kombinashon di e kastigunan aki. E peso di e kastigu ta dependé di e seriedat di e situashon. Bo ta involukrá den un aksidente? E ora ei ta tèst bo mas lihé pa konsumo di alkohòl ku durante di un kontrol rutinario.
 

Mi ta kastigabel si mi ta fuma komo peaton?
Esaki ta posibel. Polis por duna un prosèsferbal pa buracheria públiko. Polis a topa bo den estado burachi? E ora ei polis ta uza bo aparensia di buracheria i bo aktitut. E ora ei no ta hasi un tèst di supla.

KPCN ta deseá un i tur un wikènt seif i plasentero!

Bo a mira algu sospechoso? Yama 717 8000 òf e liña di tep anónimo 717 7251.