Notisia di polis di djárason 27 di yüli te ku djabièrnè 29 di yüli 2022
Kralendijk - Ladronisia di outo - iba djaweps 28 di yüli a drenta keho di ladronisia di un outo kolo shinishi di marka Toyota, modèl Vitz, numerá B-3180. E outo tabata stashoná dilanti un kas na Amboina. Entre 27 i 28 di yüli deskonosínan a bai ku e outo. Den oranan di mainta riba djabièrnè 29 di yüli a haña e outo den un mondi den besindario di Kaya Iguaza. Ta investigando e kaso.
Disfrutá, pero bebe na midi
Atrobe ta kasi wikènt. KPCN ke avisá pa konsumí alkohòl ku límite si bo ta partisipá den tráfiko. Asina bo ta prevení situashonnan fèrfelu pa bo mes i pa otronan. Ta prohibí pa partisipá den tráfiko si bo a konsumí mas ku e kantidat máksimo permití. Si bo mester bai warda i ta haña un but ta dependé di e resultado di e tèst di supla.
Tèst di supla
Ku un tèst di suplá polis ta kontrolá si bo ta bou di influensia di alkohòl. Bo ta obligá di partisipá na e tèst di supla. E tèst aki ta mustra si bo a bebe mas ku ta permití pa lei. Resultado di e tèst aki ta determiná si bo mester bai warda investigashon mas aleu. Bo ta nenga di hasi e tèst? E ora ei bo ta haña un prosèsferbal. Dependiendo di e resultado di e tèst di supla bo mester bai warda di polis pa un análisis di rosea. Durante e investigashon aki polis ta midi presis kuantu alkohòl bo a konsumí ku un aparato spesial.
Bo ta manehá bou d influensia di alkohòl? E ora ei bo ta haña un but, un prohibishon (temporal) pa manehá, un kastigu di prisòn òf un kombinashon di e kastigunan aki. E peso di e kastigu ta dependé di e seriedat di e situashon. Bo ta involukrá den un aksidente? E ora ei ta tèst bo mas lihé pa konsumo di alkohòl ku durante di un kontrol rutinario.
Mi ta kastigabel si mi ta fuma komo peaton?
Esaki ta posibel. Polis por duna un prosèsferbal pa buracheria públiko. Polis a topa bo den estado burachi? E ora ei polis ta uza bo aparensia di buracheria i bo aktitut. E ora ei no ta hasi un tèst di supla.
KPCN ta deseá un i tur un wikènt seif i plasentero!
Mèldu
Bo ta testigu di un situashon sospechoso? Bo ta mira komportamentu sospechoso òf un echo kastigabel ta tuma lugá? Mester di yudansa mesora? Mèldu esaki na polis. Polis ta evaluá kiko e posibilidatnan ta pa tuma akshon.
Unda mi ta mèldu kiko?
Por mèldu tantu via number di telefòn 717 8000, 715 8000 komo na bali di warda di polis. Naturalmente bo por mèldu serka e agente polisial riba kaya tambe.
Bo ta preferá keda anónimo? E ora ei por uza e number di telefòn 9310.
Yama 911 òf 112 den situashon di urgensia òf ora gara un persona ta kometé un akto kastigabel. Yama 911 òf 112 ora mester di ayudo den situashonnan di bida òf morto. Ora señalá situashonnan sospechoso òf si bo ta testigu di un krímen. Òf por ehèmpel despues di un aksidente di tráfiko, kandela òf ora un hende ta kibra pa drenta. E ora ei kada sekònde ta konta.
Ku ken mi por yama?
911 òf 112 (emergensia/gara)
717 8000 òf 715 8000 (no ta emergensia, pero mester di atenshon di polis)
9310 (liña di tep anónimo)
Bo a mira algu sospechoso? Yama 717 8000 òf e liña di tep anónimo 9310
