Notisia di polis di djabièrnè 17 di yüni te ku djaluna 20 yüni 2022
Kralendijk - Aksidente - Riba djadumingu 19 di yüni, alrededor di 8.15 or di anochi un aksidente a tuma lugá riba e krusada di Kaya Korona i Kaya Neerlandia. Pa motibu deskonosí un outo a kore bai dal den un palu di lus. Ambulans a transportá shofùr di e outo pa hospital pa tratamentu médiko.
A kita skuter hiba warda
Durante di un patruya a para shofùr di un skuter pa kòntròl na altura di Kaya Gloria komo ku e skuter no tabatin plachi di number. Despues di kòntròl mas aleu e shofùr por a mustra un prueba di seguro bálido pero e no tabatin un reibeweis bálido huntu kuné. A bai ku e skuter warda te ora e doño por a mustra un plachi di number i reibeweis bálido.
Hit&Run
Riba djasabra 18 di yüni a drenta keho di Hit&Run. E denunsiante a deklará ku e tabata biniendo for di Rincon, bayendo den direkshon di Playa na momentu ku un outo ku tabata biniendo for di direkshon kontrali a dal den su outo na altura di su spil. E impakto tabata di tal índole ku e spil a kibra i dor di esaki e shofùr a sufri leshon nan su kara. Ambulans a transportá e shofùr pa hospital pa tratamentu médiko. Ta investigando e kaso.
Bo a mira algu sospechoso? Yama 717 8000 òf e liña di tep anónimo 9310.