Notisia di polis di djabièrnè 3 di yüni te ku djaluna 6 di yüni 2022
Kralendijk - Aksidente na Kaya Korona - Alrededor di 2.45 or di mardugá di djaluna 6 di yüni, sentral di polis a risibí notifikashon tokante un aksidente ku un skuter riba Kaya Korona. Un persona a topa ku un hòmber benta abou riba kaminda i na algun distansia ,e skuter tambe benta abou. Ambulans a transportá shofùr di e skuter pa hòspital pa tratamentu médiko. Su situashon tabata krítiko. Departamentu di tráfiko ta investigando e kaso.
Kiebro den establesimentu di hóreka
Riba djadumingu 5 di yüni a drenta keho di kiebro den un establesimentu di hóreka situá na Kaya Grandi. Deskonosínan a drenta e edifisio via di un bentana i bai ku entre otro un seif, ku sèn kèsh komo kontenido. Ta investigando e kaso.
Aksidente Plaza Reina Wilhelmina
Riba djasabra 4 di yüni, alrededor di 4 or di mardugá un aksidente ku un outo a tuma lugá na Plaza Reina Wilhelmina den besindario di pòstkantor. Shofùr di e outo a deklará ku e ku e pasahero di e outo tabata pleita dor di kua el a drenta e bògt ku velosidat muchu haltu dor di kua el a pèrdè kontrol riba e stür i a aksidentá. Personal di ambulans a kontrolá e shofùr i e pasahero na e sitio mes despues di kua ambulans a transportá e pasahero pa hospital pa tratamentu médiko.
Bo a mira algu sospechoso? Yama 717 8000 òf e liña di tep anónimo 9310
