Notisia di polis di djaluna 20 di yüni te ku djárason 22 di yüni 2022
Kralendijk - Entrada hudisial ku detenshon - Den oranan lat di atardi riba djamars 21 di yüni. Un entrada hudisial a tuma lugá na un kas den e bario di Antriol. E
E entrada hudisial tabata den kuadro di violashon di Lei di Opio BES. Durante di e entrada hudisial a hasi dos detenshon, un hòmber di inisial M.G.A. di 46 aña di edat i un muhé di inisial M.J.F di 26 aña di edat. Durante di e entrada hudisial a konfiská tambe un kantidat di droga i plaka efektivo. E kaso ta bou di investigashon i no por ekskluí mas detenshon den e kaso aki.
Aksidente na Kaya Korona
Alrededor di 6:45 or di mainta riba djamars 21 di yüni un aksidente entre dos outo a tuma lugá riba Kaya Korona. Un outo ku tabata bayendo den direkshon sùit kier a lora na su man robes drenta Kaya Linda. Un outo ku tabata biniendo for di direkshon kontrali a bin dal den dje. Personal di ambulans a trata shofùr di ámbos outo na e sitio mes. Ningun hende no mester a bai hospital.
Bo a mira algu sospechoso? Yama 717 8000 òf e liña di tep anónimo 9310.
