Notisia di polis di djabièrnè 6 di mei te ku djaluna 9 di mei 2022
Kralendijk - A topa ku persona morto den kas - Riba djabièrnè 6 di mei, alrededor di 3 or di atardi sentral di polis a risibí notifikashon tokante un hòmber ku no tabata duna señal di bida den un kas situá na Playa Pariba. Na yegada di polis mesora a informá e departamento forénsiko i dòkter. Dòkter por a konstatá mesora ku e hòmber a fayesé. Algu mas lat a rònt af e investigashon i por a konkluí ku aki no ta trata di un morto natural, pero sin indikashon di un krímen. Ta trata di un hòmber di inisial G.R. di 28 aña di edat.
Entrada hudisial
Den oranan di anochi riba djasabra 7 di mei, un entrada hudisial a tuma lugá den un establesimentu komersial situá na Kaya Nikiboko Nort. A inisiá un investigashon relashoná ku Lei di Arma despues ku a risibí keho di menasa ku arma. Durante di e entrada hudisial a topa i konfiská un arma di kandela i un kantidat di droga. A detené ámbos habitante di e kas en konekshon ku violashon di Lei di Opio i Lei di Arma BES. Ta trata di un muhé di inisial N.L.M. di 25 aña i un hòmber di inisial S.A.C.V. di 30 aña di edat.
Ta tuma denunsia i notifikashon relashoná ku arma di kandela hopi na serio, p’esei KPCN ta pidi pa mèldu arma ilegal via 911, 7158000 òf anónimo via 9310.
Ladronisia for di outo
Riba djaluna 9 di mei a drenta keho di ladronisia for di un outo ku tabata stashoná na otro banda di kaminda di un establesimentu di hóreka na Rincon. Entre 11 or di mainta i 4 or di atardi deskonosínan a bai ku entre otro un tas di hende hòmber di kueru kolo pretu, di marka Totto, un tablet kolo blanku ku pretu di marka LG, algun tarheta i sèn kèsh. Ta investigando e kaso.
Detenshon
Den oranan di anochi riba djadumingu 8 di mei a detené un hòmber di inisial R.P.S.E. di 37 aña di edat en konekshon ku menasa, destrukshon i maltrato. E sospechoso a menasa i maltratá dos hòmber i a destruí algun kos na un kas situá na Kaya Veronica.
Ladronisia di boto di rùber
Entre djasabra 7 di mei i djadumingu 8 di mei deskonosínan a bai ku un boto di rùber kolo blanku ku tabata mara na boto di bela. E boto di bela tabata stashoná den awa na Kaya J.N.E. Craane. E boto di rùber tin un motor kolo kòrá ku pretu di marka Mercury i tabata mara na e boto di bela ku un lòk di baiskel i kandal pisa. Ta investigando e kaso.
Detenshon
Riba djadumingu 8 di mei a detené un hòmber di inisial R.L.G.M. 39 aña di edat den Centrumgebied. A papia ku e sospechoso mas trempan den e anochi komo ku e tabata kousando molèster di zonido for di su outo den Centrumgebied. Mas lat den mardugá atrobe e tabata kousa molèster di zonido atrobe den Centrumgebied. E no a tene su mes na e afsprak ku a hasi anteriormente i a konfiská su outo. A dun’e òrdu algun biaha pa entrega su yabinan, loke e no a kumpli kuné i tambe a kuminsá aktua di manera agresivo ku e agentenan. Seguidamente a detené pa no a kumpli ku òrdu di polis.
Aksidente ta terminá den detenshon pa manehá bou di influensia
Den oranan di anochi, alrededor di 9.55 or, riba djabièrnè 6 di mei un aksidente entre dos outo a tuma lugá na altura di Sabana Piedra Krus riba kaminda di Rincon. Despues di kòntròl mas aleu a detené shofùr di un di e outonan en konekshon ku sospecho di manehá bou di influensia.
Aksidente ku skuter
Alrededor di 5.15 or di atardi riba djabièrnè 6 di mei un aksidente entre dos skuter a tuma lugá riba Kaya Industria. Ambulans a transportá shofùr di ámbos skuter pa hospital pa tratamentu médiko.
Bo a mira algu sospechoso? Yama 717 8000 òf e liña di tep anónimo 717 7251.
