Number di emergensia: 911 Liña di tep di Polis: 9310

Kuepo Polisial Hulanda Karibense ta reakshona den akuerdo ku Ministerio Públiko tokante informashon inkorekto i filtrá di un kaso di lei penal

Adaptá pa último biaha riba:

Kralendijk - Ayera, djaweps 17 di novèmber un informashon a wòrdu publiká den media tokante un kaso di lei penal. Kuerpo Polisial Hulanda Karibense a emití e promé komunikado di prensa en konekshon ku e kaso aki. E motibu di e komunikado aki pa aklara e informashon ku ku a publiká den media, kual evidentemente ta basá riba informashon filtrá i a resultá ta parsialmente inkorekto i ta sugestivo.

Den akuerdo ku Ministerio Públiko nos ke duna mas informashon obhetivo tokante e investigashon aki pa medio di e komunikado aki.

E personanan envolví, tin dos outo ku normalmente no sa pone na lòk. Mienstras e doñonan tabata limpia nan outo, nan a enkontrá un pakete ku tabata kontené un supstansia probablemente narkótiko. E investigashon mester determiná esaki ainda. E personanan envolví a informá polis inmediatamente i polis a konfiská e supstansia i mesora a kuminsá un investigashon na e sitio. E departamento di investigashon a kuminsá un investigashon kaminda a disidí den palabrashon ku fiskal di Ministerio Publiko pa tene un entrada hudisial. Durante un entrada hudisial por kolektá prueba, pero tambe e por sirbi komo medio pa libera e personanan envolví di sospecho. A skucha ambos kehadó komo testigu den e kaso aki pasobra na e momentunan aki no tin ningun prueba ku ta señalá ku nan tabata tin konosementu di e pakete den nan outo. Ademas, manera a menshoná previamente, nan ta esnan ku a notifiká polis. E imagen kreá den media ku a duna e personanan envolví un trato diferente for di esun ku otronan ta risibí, ta kompletamente inkorekto.

Naturalmente e investigashon di e origen di e pakete ta andando. Pa e motibu aki no por duna mas informashon tokante e desaroyo di e kaso pa no perhudiká e investigashon.

Desafortunadamente e situashon aki ta demostrá ku informashon delikado di un investigashon penal a filtra pa media. Kuerpo Polisial Hulanda Karibense ke agregá un komentario tokante esaki tambe. Filtrashon di un investigashon ku ta andando ta preokupante i ta afektá e konfiansa den e kuerpo den su totalidat. Esaki ta bai kontra e obligashonan pa lei di tur empleado ku a firma un deklarashon di konfidensialidat. E deber di konfidensialidat ta algu importante riba kual siudadanonan mester por konfia. Konfidensialidat ta eksistí pa sostené un bon investigashon i e interés di siudadanonan. Di e forma aki e filtrashon ta afektá integridat di e kuerpo.

Empleadonan ku ta filtra informashon no solamente ta kometé delito, pero tambe ta daña integridat i e aspekto di e kuerpo, suidadanonan, nan koleganan i finalmente nan mes.