Notisia di polis di djaluna 3 di òktober te ku djárason 5 di òktober 2022

E sospechosonan a laga dos di e tres kabritunan bai i a kore drenta mondi. Hasiendo esaki nan a laga un pikòp atras ku un kabritu mas aden. Doño di e kabritu por a tum’e bek na e sitio mes. A konfiská e pikòp pa mas investigashon. E pikòp a resultá di ta di hür i a duna e doño esaki bek despues di investigashon.

Dor di agentenan atento ku tabata riba patruya, djis un un ratu despues di e notifikashon a bin topa ku un mucha muhé di inisial J.M.J.I.W. di 17 aña di edat den besindario di e sitio kaminda ku e krímen a tuma lugá. A deten’é riba sospecho di a ofresé ayudo pa ku huimentu di e tres hòmbernan ku a kore drenta mondi. Ta kastigabel pa ofresé ayudo pa logra hui pa investigashon òf detenshon dor di polis, na un persona ku ta kulpabel di un krímen òf echo kastigabel. A konfiská e outo ku e sospechoso tabata aden pa investigashon mas aleu.

Koperashon ta brinda siguridat pa un i tur
Awe festival di Regata ta kuminsá. Un di e tareanan di polis ta pa mantené órden públiko kaminda ta nesesario. P’esei lo bai tene kòntròl rutinario ku mas regularidat den e periodo benidero. Lo bai kontrolá riba entre otro e orario di terminá di e pèrmit ku a duna pa e evenementunan i tambe otro asuntu. Pa ku esaki KPCN ta hasi un yamada na tur organisadó, organisashon i partisipante na tipo di evenementu asina:  karga bo responsabilidat i mantené bo mes na regla.

Disfrutá, pero bebe na midi
KPCN ke avisá pa konsumí alkohòl ku límite si bo ta partisipá den tráfiko. Asina bo ta prevení situashonnan fèrfelu pa bo mes i pa otronan. Ta prohibí pa partisipá den tráfiko si bo a konsumí mas ku e kantidat máksimo permití. Si bo mester bai warda i ta haña un but ta dependé di e resultado di e tèst di supla.

Bo ta manehá bou d influensia di alkohòl? E ora ei bo ta haña un but, un prohibishon (temporal) pa manehá, un kastigu di prisòn òf un kombinashon di e kastigunan aki. E peso di e kastigu ta dependé di e seriedat di e situashon. Bo ta involukrá den un aksidente? E ora ei ta tèst bo mas lihé pa konsumo di alkohòl ku durante di un kontrol rutinario.

Mi ta kastigabel si mi ta fuma komo peaton?
Esaki ta posibel. Polis por duna un prosèsferbal pa buracheria públiko. Polis a topa bo den estado burachi? E ora ei polis ta uza bo aparensia di buracheria i bo aktitut. E ora ei no ta hasi un tèst di supla.

KPCN ta deseá un i tur un Regata seif i plasentero!

Bo a mira algu sospechoso? Yama 717 8000 òf e liña di tep anónimo 9310.