Notisia di polis di djaluna 19 di sèptèmber te ku djárason 21 di sèptèmber 2022
Kralendijk - Kiebro den negoshi - Riba djaluna 19 di sèptèmber a drenta keho di kiebro I ladronisia den un negoshi situá na Kaya L.D. Gerharts.
Entre djabièrnè 16 i djaluna 19 di ougùstùs, deskonosínan a drenta un ofisina i a bai ku un seif ku komo kontenido, entre otro, un suma grandi di sèn kèsh. Investigashon den e kaso aki ta andando.
Froude online di kompra di outo
Den e periodo tras di lomba a drenta vários notifikashon tokante kompra di outo ku a bai robes. Víktimanan tabatin kontakto online ku bendedó di outo den eksterior, ta traha sierto afsprak i na e momentu ku e pago ta hasi, no ta tende nunka mas di e bendedó di outo ni no ta haña nan outo.
KPCN kier alerta un i tur pa paga bon tinu ora ta kumpra outo òf kualke otro kompra online. Sea diligente ku dunamentu di informashon delikado i tambe ku traspaso di sumanan grandi di sèn. Hasi un bon skrinin di e bendedó di outo promé.
Si bo tin duda den e bendedó òf bo a bira víktima di froude online di kompra di outo òf kualke otro kompra, pa, tuma kontakto ku polis via number di telefòn 715 8000 òf pasa na warda pa duna keho.
Bo a mira algu sospechoso? Yama 717 8000 òf e liña di tep anónimo 9310
