Notisia di polis di djárason 28 di sèptèmber te ku djabièrnè 30 di sèptèmber 2022
Kralendijk - Detenshon pa maltrato - Riba djabièrnè 30 di sèptèmber a detené un hòmber di inisial B.A. di 27 aña di edat en konekshon ku maltrato ku un arma. E sospechoso a ataka un hòmber i a maltrat’é ku un arma. A konfiská un sambèchi pa mas investigashon.
Ladronisia riba tereno di konstrukshon
Riba djaweps 29 di sèptèmber a duna keho di ladronisia diferente hèrmènt for di un kònteiner riba un tereno di konstrukshon situá na Bulevar E.E.G. Entre djárason 28 di sèptèmber i djaweps 29 di sèptèmber deskonosínan a bai ku entre otro 2 mashin di bora di marka Milwaukee, un mashin di bora, un zag di sirkulo i un mashin di sleip di marka Makita i dos Kango, un di marka Makita i un di marka Hilti.
A haña kurpa sin bida
Riba djárason 28 di sèptèmber, alrededor di 10.15 or di anochi, sentral di polis a risibí notifikashon tokante un insidente ku a tuma lugá na un kas situá na Kaya Nikkel. Un hòmber a kai den baño i no tabata duna señal di bida. Dòkter a konstatá morto di e hòmber a konsekuensia di e leshonnan ku el a sufri. Ta trata di un hòmber di inisial P.C.O. nasé riba 21 yüli 1944 na Hulanda.
Bo a mira algu sospechoso? Yama 717 8000 òf e liña di tep anónimo 9310.
