Number di emergensia: 911 Liña di tep di Polis: 9310

Promé ‘Cybersecurity Convention’ na Boneiru

Adaptá pa último biaha riba:

Kralendijk - E siman tras di lomba e departamentu di Cybercrime (krimen sibernétiko) di Kuerpo Polisial Hulanda Karibense a organisá, pa promé biaha, un ‘Cybercrime Convention’na Boneiru.

Tabatin mas o ménos 50 persona presente, ku a representá diferente organisashonnan di tantu sektor públiko i sektor priva. Meta di e konferensia tabata pa interkambiá saber tokante cybercrime i cybersecurity, pero tambe pa trese e partidonan huntu. “Nos no por bringa cybercrime nos so, ta huntu mester hasié, huntu nos ta fuerte”, segun e tim di cybercrime di KPCN.

Si bo a bira víktima un krímen sibernétiko, tuma kontakto ku e departamentu di ‘Cybercrime’ di Kuerpo Polisial Hulanda Karibense via number di telefòn 715 8000 òf via meil na cybercrime@politiekpcn.com.