medidanan preventivo Kiebro den kas
Kiebronan den kas lastimamente ta sosodé hopi pero bo mes tambe por tuma medidanan preventivo pa sòru ku kiebro ta bira ménos atraktivo. E mayoria di ladron ta bai pa un botin lihé si bo por sòru pa retraso e chèns ku nan ta kibra drenta serka bo ta ménos grandi.
- Por trata di aktonan simpel manera sera bentananan i portanan ora bo ta sali kas.
- Posibelmente pone un slòt èkstra riba portanan i bentana.
- No ta un bon idea pa skonde bo yabinan bou di un pòtchi di flor òf mat. Ladronnan ta inventivo i ta kana chèk e lugánan standart di skonde kos.
- Sòru ku bo no ta hasi’e fasíl pa otronan subi bo tereno. Pone un slòt riba porta di kurá
- No pone un label ku adrès na bo bòshi di yabinan
- Warda papelnan importante anto joyas bon. Si bo tin hopi kos di balor pensa riba kompra di un kluis.
- Sea alerta riba baki di shushi, trapi òf otro artefactonan ku ladronnan por usa pa subi drenta paden
- Informa bo bisiñanan òf amigunan ora bo ta bai ku fakansi. Sòru pa un timer pa tin lus ta kima den bo kas. Trata di krea e impreshon ku bo kas ta abitá.