Number di emergensia: 911 Liña di tep di Polis: 9310

Notisia

Enfoká notisia

Notisia di polis di djaluna 20 di mart te ku djabièrnè 24 di mart 2023

Kralendijk - Detenshon en konekshon ku violashon di Lei di Opio BES - Riba djabièrnè 24 di mart a detené un hòmber di inisial D.G.M.C. di 42 aña di edat riba Kaya Caribe en konekshon ku violashon di Lei di Opio BES. E hòmber tabata drumi den su outo, ku tabata stashoná kantu di kaminda.

Lesa mas

Notisia di polis di djárason 15 di mart te ku djabièrnè 17 di mart 2023

Kralendijk - Skuter hañá - Riba djaweps 16 di mart meldkamer sentral di polis a risibí notifikashon tokante un skuter ku tabata stashoná kantu di kaminda na Kaya Amsterdam pa un periodo largu. A hiba e skuter kolo oraño, di marka Kymco, numerá MF-2088 warda di polis pa ward’e. Si e skuter aki ta di bo, bin ku un reibeweis, prueba di seguro i ID bálido warda di polis pa buska e skuter.

Lesa mas

Departamentu di Investigashon Forènsiko di KPCN ta haña ‘ID-Zuil’

Kralendijk - E departamentu di Investigashon Forènsiko (FO) di Kuerpo Polisial Hulanda Karibense resientemente a kuminsá hasi uzo di un asina yamá ‘ID-zuil’ (pilá di ID) pa kaptura e asina yama informashon biométriko: ‘fingerprint’i pòtrèt di kara. Kaminda den pasado ku yudansa di enk i papel tabata tuma ‘fingerprint’, awor ta skèn esakinan di forma digital kaminda mesora ta midi kalidat di e ‘fingerprint’. Banda di esaki e ‘ID-zuil’ ta saka pòtrèt di sospechoso na di manera standardisá

Lesa mas

Notisia di polis di djabièrnè 10 di mart te ku djárason 15 di mart 2023

Kralendijk - Personanan pèrdí - Riba djamars 14 di mart meldkamer sentral a risibí notifikashon tokante dos persona pèrdí. Nan a bai kana den mondi den besindario di Dos Pos i no por a haña e kaminda pa sali for di e mondi bek. Bon nan tabatin un telefòn huntu ku nan ku kua nan por a mèldu ku nan a pèrdè. Danki na e bon trabou di agentenan polisial di KPCN i kolaboradónan di Stinapa, algun ratu despues a kontra nan sano i salvo.

Lesa mas

KPCN reforsá ku 15 agente polisial nobo

Kralendijk - Riba djabièrnè 10 di mart, durante seremonia di entrega di diploma e agentenan polisial nobo di Kuerpo Polisial Hulanda Karibense ofisialmente a terminá nan estudio di polis.

Lesa mas

Notisia di polis di djaluna 6 di mart te ku djárason 8 di mart 2023

Kralendijk - A haña persona ku a fayesé - Riba djamars 7 di mart, alrededor di 12 or di mèrdia meldkamer sentral a risibí notifikashon ku a enkontrá un persona ku no ta duna señal di bida den un bibienda riba Kaya Macario Sint Jago. Dòkter a konstatá morto natural di un hòmber di 83 aña di edat di inisial J.C.K.

Lesa mas

Mas notisia

Notisia di polis di djabièrnè 3 di mart te ku djaluna 6 di mart 2023

Kralendijk - Ladronisia di skuter - Den oranan trempan di tramèrdia riba djadumingu 5 di mart, a drenta keho di ladronisia di un skuter koló pretu di marka Sym, modèl Fiddle, numerá MF-2367. E skuter tabata stashoná na Kaya Theresa F. Ilario i entre 11 or di anochi i 1:30 di mardugá deskonosínan a bai kuné. Ta investigando e kaso.

Notisia di polis di djaluna 27 di februari te ku djabièrnè 3 di mart 2023

Kralendijk - Outo ta bòltu - Den oranan di mardugá riba djabièrnè 3 di mart un aksidente a tuma lugá riba kaya Internashonal. Pa motibu ainda deskonosí un outo a bòltu. E shofùr tabata na tinu i ambulans a hib’e hospital pa tratamentu médiko.

Notisia di polis di djabièrnè 17 di febrüari te ku djabièrnè 24 di febrüari 2023

Kralendijk - Karnaval 2023 - Durante e fin di siman di 11 i 12 di febrüari a tuma lugá e marcha di karnaval di mucha respektivamente na Rincon i Playa. Marcha di karnaval na Rincon a kana trankil. Riba djadumingu nèt na komienso di e marcha na Playa, a detené tres persona.

Investigashon ta andando relashoná ku restunan humano enkontrá i e posibel konekshon ku e persona pèrdí

Kralendijk - Riba djaweps 16 di febrüari, alrededor di 11 or di mainta sentral di polis a risibí notifikashon ku a enkontrá posibel restunan di un kráneo humano riba Kaminda pa bai Washington Park.

6 detenshon i un reibeweis konfiská durante kontròl di dos ora dirigí riba uso di alkohòl

Kralendijk - Riba djabièrnè 10 di febrüari, Kuerpo Polisial Hulanda Karibense a tene un kontròl di tráfiko dirigí riba uso di alkohòl na Kaya Korona, Kaya Gobernador N. Debrot i Hanchi Amboina.

Ban selebrá karnaval 2023 na un manera seif i responsabel

Kralendijk - Despues di 2 aña nos ta bai selebrá karnaval atrobe. Ta un temporada di fiesta i goso. A resultá ku e ora ei sa pèrdè e reglanan vigente i responsabilidat pa ku nos mes i nos próhimo for di bista. Pero esaki no ta nifiká ku e reglanan ta ménos vigente.

Kuerpo Polisial Hulanda Karibense ta rekordá e agente aspirante polisial, Jonathan Theodora

Kralendijk - Riba djaweps 9 di febrüari un aksidente entre un outu i un bròmer a tuma lugá riba Kaya Grandi. Di forma inesperá i ku gran tristesa nos a tuma nota di e fayesementu di nos kolega, aspirante polisial Jonathan Theodora.

Kuerpo Polisial Hulanda Karibense ta pidi yudansa ku búskeda di sospechoso

Kralendijk - Den luna di mart 2022 un kaso di ladronisia ku violensia a tuma lugá na e establesimentu di hóreka Hillside situá na Kaya Linda na Antriol. Riba e dia aki a mara e bewaker i bai ku un kaha di plaka ku un kantidat grandi di sèn kèsh.

Notisia di polis di djaluna 6 di febrüari te ku djaweps 9 di febrüari 2023

Kralendijk - Kaso di hinkamentu - Riba djárason 8 di febrüari, alrededor di 4 or di mardugá meldkamer a risibí notifikashon tokante un kandela na un kas situá na Kaya Johanna.

Notisia di polis di djabièrnè 3 di febrüari te ku djaluna 6 di febrüari 2023

Kralendijk - Outo ta alkansá peaton - Riba djaluna 6 di febrüari den oranan di mainta alrededor di 08:20 or, un outo a alkansá un peaton riba Kaya Hermandad. Spil di e vehíkulo a dal e peaton ku konsekuensia ku el a kai. Ambulans a transportá e víktima pa hòspital pa tratamentu médiko.

Notisia di polis di djárason 18 di yanüari te ku djabièrnè 20 di yanüari 2023

Kralendijk - Hòmber detené - Riba djabièrnè 20 di yanüari den oranan trempan di mainta alrededor di 4 or, a para un outo den Kaya Grandi pa kòntròl. Komo ku tabatin un holó fuerte di probablemente mariwana ta sali for di e outo, a bai over na un kòntròl relashoná ku e Lei di Opio BES. E shofùr i e pasahero no tabatin un reibeweis bálido huntu ku nan. Den e vehíkulo a bin topa ku sèn kèsh i a konfiská esaki. Durante e kòntròl e shofùr a kuminsá insultá e agentenan polisial i esaki a kondusí na su detenshon. Ta trata di un hòmber di 30 aña di edat ku inisial X.J.G.. A hiba e vehíkulo warda di polis.

Polis a parti 17 prosèsferbal pa violashon di lei di tráfiko durante un kòntròl di tráfiko.

Kralendijk - Riba djamars 17 di yanüari agentenan di Kuerpo Polisial Hulanda Karibense a tene un kòntròl di tráfiko den besindario di Playa. Durante e kòntròl di masoménos 3 pa 4 ora polis a parti 17 prosèsferbal pa manehá sin faha di seguridat i pa uso di telefòn selular tras di stür. Kuerpo ta hasi un apelashon na tur shofùr pa mantené nan mes na e reglanan di tráfiko. Durante e kòntròlnan aki agentenan lo sòru pa tur partisipante den tráfiko tene nan mes na e leinan preskribí pa nan mesun seguridat. Kontrolnan di tráfiko ta kontinuá ku regularidat i violashon di lei tin konsekuensianan severo.

Notisia di polis di djabièrnè 13 di yanüari te ku djaluna 16 di yanüari 2023

Kralendijk - Aksidente entre outo i skuter - Riba djaluna 16 di yanüari den oranan di mainta un aksidente entre un outo i un skuter a tuma lugá na e krusada di Bulevar Miguel Pourier i Kaya Papaya, na altura di e parada di bùs. E outo tabata kore den direkshon di Playa riba Bulevar Miguel Pourier i e skuter tabata bini for di Kaya Papaya. Shofùr di e skuter no a mira e outo i a kore dal den banda di pasahero di e outo. Ambulans a transportá shofùr di e skuter pa hòspital pa tratamentu médiko.

Notisia di polis di djabièrnè 6 di yanüari te ku djaluna 9 di yanüari 2023

Kralendijk - Outo hòrta - Riba djaluna 9 di yanüari a drenta keho di ladronisia di un outo kolo maron kla/oro di marka Hyundai, modèl Santa Fe, numerá B-15658. Ta investigando e kaso.

Notisia di polis di djabièrnè 30 di desèmber 2022 te ku djabièrnè 6 di yanüari 2023

Kralendijk - Aksidente entre dos vehíkulo - Riba djárason 4 di yanüari den oranan di anochi, un aksidente entre dos vehíkulo a tuma lugá riba Kaminda Gurubu. Shofùr di un di e vehíkulonan tabata heridá i a transporte pa hòspital pa tratamentu médiko

Notisia di polis di luna di desèmber: di djaweps 1 di desèmber te ku djaweps 29 di desèmber

Kralendijk - Entrada hudisial den Antriol i Nort Saliña - Riba djárason 28 di desèmber, alrededor di 2.30 di atardi dos entrada hudisial a tuma lugá den diferente bibienda den barionan di Antriol i Nort di Saliña en konekshon ku dos kaso di violashon di lei di arma di kandela. A detené dos persona en konekshon ku e kaso aki. Dos hende hòmber, unu di 18 aña di edat di inisial I.A.D. i unu di 29 aña di edat di inisial R.A.S.

Ministerio Públiko i Kuerpo Polisial Hulanda Karibense ta yama testigu pa bin mèldu.

Kralendijk - Riba djadumingu 25 di desèmber alrededor di 6 or di mainta un hit & run a tuma lugá riba Kaya Korona. Un outo a alkansá un siklista i a sigui kore. Polis a kuminsá un investigashon inmediatamente i a hasi yamada na e sospechoso pa medio di un komunikado na prensa pa bin mèldu su mes na warda di polis.

Notisia di polis di djadumingu 20 di novèmber te ku djabièrnè 25 di novèmber 2022

Kralendijk - Kaso di hogamentu - Riba djaweps 24 di novèmber, alrededor di algu pasa di dos di atardi sentral di polis a risibí notifikashon ku un persona a hañ’e den problema na momentu ku e tabata na Klein Bonaire. A kuminsá ku reanimashon mesora miéntras tabata tres'e kosta di Boneiru. Aki personal di ambulans a tuma ofer i a transportá e víktima pa hospital. Algun ratu despues el a bin fayesé. Ta trata di un turista krusero maskulino.

Kuepo Polisial Hulanda Karibense ta reakshona den akuerdo ku Ministerio Públiko tokante informashon inkorekto i filtrá di un kaso di lei penal

Kralendijk - Ayera, djaweps 17 di novèmber un informashon a wòrdu publiká den media tokante un kaso di lei penal. Kuerpo Polisial Hulanda Karibense a emití e promé komunikado di prensa en konekshon ku e kaso aki. E motibu di e komunikado aki pa aklara e informashon ku ku a publiká den media, kual evidentemente ta basá riba informashon filtrá i a resultá ta parsialmente inkorekto i ta sugestivo.

Notisia di polis di di djaluna 7 di novèmber te ku djárason 9 di novèmber 2022

Kralendijk - Skuter hòrta lokalisá Den oranan di mardugá, alrededor di 1.30 or, riba djárason 9 di novèmber a drenta keho di ladronisia di un skuter kolo pretu di marka Yamaha, numerá MF-1240. E skuter tabata stashoná dilanti di un kas situá na Kaya Mandolin i tabata na lòk ku un lòk di kontakto. Doño di e skuter a bula lanta dor di zonido pafó i a topa ku 3 mucha hòmber na momentu ku nan tabata purba hòrta skuter di e bisiña tambe. E mucha hòmbernan logra hui. E patruya ku a akudí na e sitio a bin topa ku un otro skuter di marka Yamaha, numerá MF-497, stashoná den un otro kaya pega ku Kaya Mandolin. Probablemente esaki tambe tabata prosedente di ladronisia, mirando ku e tabata stashoná mei mei di kaminda. A hiba e skuter warda di polis pa ward’e. E doño por bin busk’e despues di por mustra un ID bálido.

Bo ke lesa mas notisia òf bo no por a haña loke bo tabata buska? E ora ei bai na e página di búskeda pa mas notisia.

Bai na e página di búskeda pa mas notisia