Puntonan klave

Esaki ta e di tres análisis di kriminalidat desde e kambionan konstitushonal di 2010 i e rapòrt ta enfoká prinsipalmente riba kriminalidat na Hulanda Karibense. E diferensia ku e edishonnan anterior ta, ku e análisis aki ta kompletamente kompilá pa analistanan di KPCN, basá riba datonan di KPCN mes i, kompletá ku informashon di otro organisashonnan manera Ministerio Públiko, Koninklijke Marechaussee , Warda Kosta di Karibe Hulandes i e Tim di Kolaborashon di Investigashon (RST).

Puntonan klave for di e CBA 2020-2024
E análisis ta mustra vários tendensia i reto ku tin influensia riba seguridat den e region:

• Kriminalidat den tráfiko: Problema ku infrastruktura, oumento di tráfiko i uso di alkohòl.
• Kriminalidat bou di hubentut: Oumento preokupante di ladronisia i violensia, miéntras ku tin un skarsedat di kuido hubenil i posibilidatnan di rehabilitashon.
• Kriminalidat violento: Oumento di violensia doméstiko i violensia durante bida nokturno, pa kual mester di medidanan adishonal.
• Kriminalidat kontra poseshon i propiedat: Sifranan ku ta baha, pero tin preokupashon tokante ladronisia di skuter na Boneiru i ladronisia den kas na Saba.
• Kriminalidat di droga: Problema kontinuo di eksportashon di droga for di Boneiru, ku visibilidat limitá riba e ret kriminal enbolbí.
• Kriminalidat ku Arma di Kandela: Oumento preokupante, spesialmente den e di dos mitar di 2024, kaminda gran parti ta sospechosonan hóben.
• Kriminalidat di migrashon: Oumento di trafikashon di hende i eksplotashon, debí na instabilidat polítiko den e region.
• Kriminalidat finansiero i ekonómiko: Froude i labamentu di plaka, spesialmente den sektor di propiedatnan inmóbil.
• Kriminalidat sibernétiko: Oumento di notifikashon di froude digital i “hacking”, miéntras ku detekshon ta keda un reto.
• Kriminalidat ambiental: Depósito ilegal di shushi i daño na ref di koral ta rekerí un mantenshon mas estrikto.

Rekomendashonnan stratégiko basá riba e CBA

Basá riba e análisis, e analistanan a rekomendá e siguiente prioridatnan stratégiko:

• Fortalesé siguridat i mantenshon di lei den tráfiko.
• Prevenshon i atendementu di kriminalidat hubenil mediante mihó kuido hubenil i programanan di rehabilitashon.
• Kombatí kriminalidat di droga i arma di kandela ku kolaborashon mas intensivo entre servisionan di detekshon.
• Mas atenshon riba kriminalidat finansiero i ekonómiko i riba kombatí korupshon.
• Maneho duradero pa protehá e medioambiente i ekosistema di Hulanda Karibense.
• Fortalesé kolaborashon entre gobièrnu, sektor privá i siudadano pa atendé kriminalidat huntu.

Lesa e rapòrt kompletu

Bo ke un bista mas profundo den e desaroyonan di kriminalidat i e medidanan proponé? Lesa e rapòrt kompletu i deskubrí kon huntu nos ta traha na un Hulanda Karibense mas seif.