Notisia di polis di djaluna 2 di mei te ku djárason 4 di mei 2022
Kralendijk - Detenshon - Riba djárason 4 di mei a detené un muhé di inisial E.H.J.A.S. di 33 aña na un kas situá na Kaya Filomena en konekshon ku destrukshon. E sospechoso tabata hasi bochincha ii hasiendo esaki a destruí vários kos bou di kua un outo ku tabata stashoná na e kas.
Outo ta dal frontal
Riba djamars 3 di mei, alrededor di 11.50 or di anochi un aksidente entre dos outo a tuma lugá riba Kaya Grandi. Dos outo a dal frontal den otro. Dos ambulans a transportá shofùr di ámbos outo pa hospital pa tratamentu médiko.
Outo ta bòltu
Alrededor di 11.55 or di anochi, sentral di polis a risibí notifikashon tokante un aksidente ku a tuma lugá riba Kaya Internashonal. Pa motibu deskonosí un outo a bòltu i bai dal den un muraya. E shofùr a keda pega den e outo i personal di brantwer a sake. Ambulans a transporte pa hospital pa tratamentu médiko.
Dianan di fiesta a bai trankil
E dianan di fiesta tras di lomba a bai trankil sin masha insidente. Un i tur por a disfrutá trankil di e aktividatnan. KPCN ta gradisí un i tur pa e bon komportashon i koperashon duná durante e dianan aki.
Bo a mira algu sospechoso? Yama 717 8000 òf e liña di tep anónimo 717 7251.
