Notisia di polis di djárason 18 di mei 2022 te ku djabièrnè 20 di mei 2022
Kralendijk - Hit & Run - Riba djárason 18 di mei 2022 alrededor di 11:50’or di mèrdia sentral di polis a risibí notifikashon di un ‘hit & run’ riba e sitio di parker di un institushon komersial riba Kaya Korona.
Detenshon
Riba 18 di mei 2022 a detené un hòmber di inisial J. R. S. pa maltrato i pa drenta un kas sin derecho pa hasi esei. E kaso ta bou di investigashon.
Maltrato
Riba djamars 19 di mei 2022 alrededor di 12:50’or di mardugá sentral di polis a risibí notifikashon di un pelea den un bar/restorant den Kralendijk. Polis a tuma denunsia di maltrato na e sitio i a tende testigu. A detené un hòmber di 47 aña den e kaso aki pa maltrato ku arma. Ta investigando e kaso.
Kurpa sin bida den bario di Rinkon
Sentral di polis riba djaweps 19 di mei 2022 alrededor di 8:35’or di mainta a risibí notifikashon di un kurpa sin bida den un bibienda den e bario Rincon. Empleadonan di e departamento forénsiko a inisiá un investigashon inmediatamente. Dòkter (schouwarts) a konstatá morto natural di un hòmber di 69 aña di edat.
Notifikashon di holó di huma na un sitio di hóreka den Kralendijk
Riba djaweps 19 di mei 2022 alrededor di 6:40’or di mainta sentral di polis a risibí notifikashon di trahadó di seguridat di un sitio di hóreka den Kralendijk tokante di un holó di huma fuerte. Polis i brantwer a bai mesora na e sitio. Polis a sera kaya temporalmente komo medida di prekoushon pa brantwer por realisá su tareanan. Seguidamente brantwer a hasi un kòntròl na e edifisionan di unda e holó di huma tabata bini pero no tabatin ningun partikularidat.
Bo a mira algu sospechoso? Yama 717 8000 òf e liña di tep anónimo 717 7251.
