Notisia di polis di djabièrnè 14 di òktober te ku djaluna 17 di òktober 2022
Kralendijk - Aksidente entre bus i quad - Riba djadumingu 16 di òktober, alrededor di 7 or di anochi un aksidente entre un quad i un bus a tuma lugá riba Kaya Internashonal. Ambulans a transportá shofùr di e quad pa hospital pa tratamentu médiko. Dor di e aksidente a sera e kaya i mester a guia tráfiko un ratu. Departamentu di tráfiko ta investigando e kaso.
Kiebro riba tereno di konstrukshon
Riba djadumingu 16 di òktober a drenta keho di kiebro riba un tereno di konstrukshon situá na Kaya Industria. Alrededor di 1.50 or di mardugá, deskonosínan a bai ku un pikòp kolo blanku di marka Mitsubishi, ku na su banda e logo ‘CICC’ riba un fondo blou. Banda di esaki a bai tambe ku dos bateria; un bateria di un hèftrùk i bateria di un kòmprèser. Ta investigando e kaso.
Bringamentu ta kondusí na detenshon
Den oranan di mardugá di djabièrnè 14 di òktober un kaso di bringamentu pisa a tuma lugá den Kaya Grandi. Algu mas lat riba e mesun di a demente e hòmbernan di inisial H.A.C. di 33 aña di edat i J.D.E.R. di 19 aña di edat en konekshon ku violensia públiko, maltrato severo i intento di asesinato. Investigashon den e kaso ta andando.
KPCN i OM ta pidi asistensia
En konekshon ku un kaso di bringamentu ku a tuma lugá den e mardugá di djaweps pa djabièrnè último, Kuerpo Polisial Hulanda Karibense i Ministerio Públiko ta pidi asistensia di pueblo. No ta tolerá e tipo di aktonan di agresividat i violensia aki.
Bo ta dispone di imágen di vidio fuera di esnan ku a publiká riba medio sosial kaba, e ora ei por manda esaki via e meil adrès politie@politiecn.com. Lo trata tur imágen ku drenta di tal manera ku bo anonimidat ta garantisá. Si banda di esaki bo a mira òf tende algu ku por yuda ku e investigashon, e ora ei bo por mèldu esaki via 715 8000 òf via di e liña di tep anónimo 9310.
Investigashon den e kaso ta andando.
Bo a mira algu sospechoso? Yama 717 8000 òf e liña di tep anónimo 9310.
