Notisia di polis di djabièrnè 28 di òktober te ku djaluna 31 di òktober 2022
Kralendijk - Aksidente ku skuter - Riba djadumingu 30 di òktober un aksidente ku un skuter a tuma lugá na Kaya Nikiboko Sùit.
Shofùr di e skuter a pèrdè kòntròl na momentu ku e outo ku tabata kore su dilanti a wanta brek diripiente. Esaki a pone ku e shofùr tambe mester a wanta brek i a bin kai. Ambulans a transporte pa hospital pa tratamentu médiko.
Outo ta resultá den mondi
Den oranan di mardugá riba djadumingu 30 di òktober un aksidente a tuma lugá riba kaminda di Rincon. E shofùr a deklará ku e kier a desviá pa un buraku den kaminda i a pèrdè kòntròl. E outo a bai resultá kontra un palu den mondi. Ambulans a transportá dos di e tres okupantenan pa hospital pa tratamentu médiko.
Bo a mira algu sospechoso? Yama 717 8000 òf e liña di tep anónimo 9310.