Notisia di polis di djaluna 5 di sèptèmber te ku djárason 7 di sèptèmber 2022
Kralendijk - Detenshon pa maltrato Riba djamars 6 di sèptèmber a detené un hòmber di inisial I.M.L. di 43 aña di edat na Kaminda Lagun en konekshon ku maltrato ku un arma. E sospechoso a kòrta un dama ku un kuchú na su man. Ta investigando e kaso.
Aksidente entre outo i skuter
Riba djaluna 5 di sèptèmber alrededor di 11.15 or di anochi un aksidente entre un outo I un skuter a tuma lugá riba Kaya Nikiboko Sùit. E skuter tabata koriendo di Playa riba Kaya Nikiboko Sùit. E outo kier a kita bai na su man robes riba Kaya Monseigneur Nieuwindt i no a mira e skuter ku tabata biniendo. Shofùr di e outo a purba desviá pa e skuter. Shofùr di e skuter a drenta pániko i a kai for di e skuter. Personal di ambulans a asistí shofùr di e skuter na e sitio mes i e no mester a bai hospital. Mas aleu dokumentu di ámbos partido tabata na òrdu.
Aksidente entre outo i baiskel
Den oranan di atardi riba djaluna 5 di sèptèmber un aksidente entre un outo i un baiskel riba Kaya Neerlandia. Shofùr di e outo a deklará ku e tabata koriendo den direkshon nort riba Kaya Korona. E baiskel ku diripiente a kita na su man robes tabata kore dilanti di e outo. E outo a purba desviá, pero esaki tabata en bano i a dal e siklista. Ambulans a transportá e siklista pa hospital pa tratamentu médiko.
Kiebro den kas
Riba djaluna 5 di sèptèmber a drenta keho di kiebro den un kas situá na Kaya dr. J.G. Hernandez. Deskonosínan a kibra lòk di e porta di dilanti pa a drenta i a bai ku entre otro un televishon pretu di marka Osko i un telefòn selular blanku di marka Honor. E kaso ta bou di investigashon.
Bo a mira algu sospechoso? Yama 717 8000 òf e liña di tep anónimo 9310.
