Notisia di polis di djaluna 14 di ougùstùs te ku djárason 16 di ougùstùs 2023
Kralendijk - Aksidente entre outo i skuter - Riba djamars 15 di ougùstùs, alrededor di 2 or di atardi, un aksidente entre un outo i un skuter a tuma lugá riba Kaya Grandi. E shofùr di e skuter a resultá levemente heridá i personal di ambulans a trat’é na e sitio mes. E no mester a bai hòspital.
Diferente prosèsferbal
Durante e último dianan a duna prosèsferbal pa diferente violashon di Lei di Tráfiko..
Den oranan di mardugá riba djamars 15 di ougùstùs a duna shofùr di dos skuter un prosèsferbal. Ambos tabata kore den direkshon prohibí riba Kaya Boneiru. Despues di un kòntròl mas aleu a resultá ku un di e shofùrnan no por a mustra papelnan di seguro bálido. Pa esaki tambe el a haña un prosèsferbal. Ademas, dos otro shofùr a haña prosèsferbal pa manehá sin un hèlm bistí, kuater shofùr a haña prosèsferbal pa manehá sin un reibeweis bálido i dos shofùr a haña un atvertensia pa manehá ku lus dañá.
Aksidente
Den oranan di atardi riba djaluna 14 di ougùstùs, un aksidente entre dos outo a tuma lugá riba Kaya Gramèl. Pa motibunan ainda deskonosí, e vehíkulonan a dal den otro. Personal di ambulans a hasi un chekeo médiko na e sitio mes i no mester a transportá ningun persona pa hòspital.
Bo a mira algu sospechoso? Yama 717 8000 òf e liña di tep anónimo 9310.
