Notisia di polis di djaluna 28 di ougùstùs te ku djárason 30 di ougùstùs 2023
Kralendijk - Detenshon pa manehá bou di influensia - Den oranan di atardi riba djaluna 28 di ougùstùs a detené un hòmber di inisial J.L.D.L.C.G. di 49 aña di edat en konekshon ku manehá bou di influensia di alkohòl. E sospechoso tabata enbolbí den un aksidente entre dos outo riba Kaya Libertador Simon Bolivar. A hasi un tèst di supla kuné i a konsekuensia di e resultado a detené. Despues di un kòntròl mas aleu a resultá ku e no por a mustra un seguro bálido tampoko. Pa esaki el a haña un prosesferbal i a bai kuné warda di polis pa un análisis di rosea.
Diferente prosèsferbal pa violashon den tráfiko
Durante e último dianan a duna prosèsferbal pa diferente violashon di Lei di Tráfiko.
A duna tres (3) prosèsferbal pa manehá sin reibeweis bálido, dos (2) prosèsferbal pa manehá sin seguro bálido, dos (2) prosèsferbal pa manehá sin hèlm bistí, un (1) prosèsferbal pa manehá sin faha di seguridat bistí, un (1) prosèsferbal pa uso di telefon tras di stür, un (1) prosèsferbal pa manehá sin reibeweis i sin seguro bálido, dos (2) prosèsferbal pa maneha sin hèlm bistí, sin reibeweis i sin seguro bálido i un (1) prosèsferbal pa manehá sin hèlm bistí i sin seguro bálido.
Bo a mira algu sospechoso? Yama 717 8000 òf e liña di tep anónimo 9310.
