Number di emergensia: 911 Liña di tep di Polis: 9310

6 detenshon i un reibeweis konfiská durante kontròl di dos ora dirigí riba uso di alkohòl

Adaptá pa último biaha riba:

Kralendijk - Riba djabièrnè 10 di febrüari, Kuerpo Polisial Hulanda Karibense a tene un kontròl di tráfiko dirigí riba uso di alkohòl na Kaya Korona, Kaya Gobernador N. Debrot i Hanchi Amboina.

Durante di e kontròl a kontrolá 62 shofùr riba uso di alkohòl ku un tèst di supla. E tèst aki ta mustra si un persona a konsumí mas alkohòl ku lei ta permití si bo ta manehá un vehíkulo. Durante 2 ora ku a tene e kontròl di tráfiko, a detené 6 persona pa violashon di e máksimo kantidat ku por konsumí i a konfiská reibeweis di 1 persona.

KPCN ke hala atenshon di un i tur pa konsumí alkohòl ku límite si bo ta partisipá den tráfiko. Asina bo ta prevení situashon nan peligroso pa bo mes i pa otronan. Si bo sa ku bo ta bai konsumí mas ku e kantidat pèrmití pa manehá un vehíkulo, traha sita ku un persona ku por hiba bo kas seif. Bo ta manehá bou di influensia di alkohòl? E ora ei bo ta haña un but, un prohibishon (temporal) pa manehá, por tuma bo reibeweis den beslag, un kastigu di prizòn òf un kombinashon di e kastigunan aki. E peso di e kastigu ta dependé di e seriedat di e situashon.

Bo a mira algu sospechoso? Yama 717 8000 òf e liña di tep anónimo 9310.