Kuerpo Polisial Hulanda Karibense ta rekordá e agente aspirante polisial, Jonathan Theodora
Adaptá pa último biaha riba:
Kralendijk - Riba djaweps 9 di febrüari un aksidente entre un outu i un bròmer a tuma lugá riba Kaya Grandi. Di forma inesperá i ku gran tristesa nos a tuma nota di e fayesementu di nos kolega, aspirante polisial Jonathan Theodora.
Jonathan, nasé na Boneiru riba 16 di òktober 1992, a kuminsá ku e estudio pa bira agente polisial riba 2 di novèmber 2020 i tabata den preparashon pa kaba su estudio huntu ku su klas dia 10 di mart 2023.
Nos lo keda rekordá Jonathan komo un agente aspirante pa polis motivá, ku semper tabata disponibel pa yuda un otro. Nos lo keda rekordá su entusiasmo i su energia alegre. Nos ta deseá su famia hopi forsa ku e pèrdida grandi aki.
