Notisia di polis di djabièrnè 3 di febrüari te ku djaluna 6 di febrüari 2023
Kralendijk - Outo ta alkansá peaton - Riba djaluna 6 di febrüari den oranan di mainta alrededor di 08:20 or, un outo a alkansá un peaton riba Kaya Hermandad. Spil di e vehíkulo a dal e peaton ku konsekuensia ku el a kai. Ambulans a transportá e víktima pa hòspital pa tratamentu médiko.
Hit & Run
Riba djabièrnè 3 di febrüari, un kaso di ’hit & run’ a tuma lugá riba E.E.G Bulevar. Shofùr di un skuter a deklará ku e i su pasahero tabata den direkshon di Playa i un pikòp pretu diripiente a para su dilanti. E shofùr di e skuter a wanta brek pero e tabata lat lamentablamente, pa kual motibu e i su pasahero a kai. Shofùr di e pikòp a kore bai. Shofùr di e skuter mes a bai hòspital riba e skuter. Ambulans a transportá e pasahero pa hòspital. Plachi di number i marka di e pikòp no ta konosí.
Detenshon pa maltrato
Riba djabièrnè 3 di febrüari a detené un hòmber di inisial A.L.J.P. di 23 aña di edat en konekshon ku maltrato. E sospechoso a dal un otro hòmber na su kabes. Pa motibu ku e sospechoso tabatin un renchi na su dede, e víktima a haña un herida na su kabes. Personal di ambulans a yuda e víktima na e sitio.
Bo a mira algu sospechoso? Yama 717 8000 òf e liña di tep anónimo 9310.
