Number di emergensia: 911 Liña di tep di Polis: 9310

Notisia di polis di djaluna 6 di febrüari te ku djaweps 9 di febrüari 2023

Adaptá pa último biaha riba:

Kralendijk - Kaso di hinkamentu - Riba djárason 8 di febrüari, alrededor di 4 or di mardugá meldkamer a risibí notifikashon tokante un kandela na un kas situá na Kaya Johanna.

E 3 personanan den e kas a logra sali sano i salvo i un di nan mes a logra paga e kandela. Brantwer ku tabata na e sitio a hasi e investigashon nesesario pa konfirmá ku e kandela lo por a sende bek. Pafó a surgí un diskushon ku un di 4 persona ku tabata na e sitio di kua ta sospechá ku e posiblemente a sende e kandela. E diskushon a kulminá den un kaso di hinkamentu despues di kua e sospechoso a bandoná e sitio. Ambulans a transportá e víktima pa hospital pa tratamentu médiko. Alrededor di 6.30 or di mainta a logra detené e sospechoso di inisial J.J. di 19 aña di edat na un kas situá na Kaya Barakuda. E sospechoso tambe tabata heridá i ambulans a transporte pa hospital pa tratamentu médiko. E kaso ta bou di investigashon.

A top kurpa sin bida
Alrededor di 10.30 or di mainta riba djárason 8 di febrüari, meldkamer a risibí notifikashon ku lo mester tin un kurpa sin bida den un kamber di un akomodashon turístiko situá na Barkadera. Na yegada di patruya en bèrdat a topa ku un kurpa sin bida. Despues di investigashon di e departmentu Forénsiko di KPCN, dòkter ku a bin na e sitio a konstatá morto dor di suisidio.

Aksidente fatal
Alrededor di 12 or di mardugá riba djaweps 9 di febrüari un aksidente entre un outo i un bròmer a tuma lugá riba Kaya Grandi. Dòkter ku a asistí na e sitio a konstatá morto di e víktima ku na bida tabata un miembro di Kuerpo Polisial Hulanda Karibense. Ta trata di e hòmber di inisial J.M.T. di 30 aña di edat.

 

Bo a mira algu sospechoso? Yama 717 8000 òf e liña di tep anónimo 9310.