Notisia di polis di djabierne 24 di mart te ku djaluna 27 di mart 2023
Kralendijk - Atrako den kas - Riba djasabra 25 di mart, alrededor di 10.45 or di anochi, meldkamer sentral a risibí notifikashon tokante un atrako den un kas situá na Belnem.
Tres sospechoso ku kara tapá a drenta e kas i a heridá un di e personanan ku tabata presente den e kas. Na e momentu ei tabatin kuater persona presente den e kas. Promé ku polis a yega e sitio e sospechosonan a logra bai kaba. Personal di ambulans a duna e víktima tratamentu médiko na e sitio. Polis mesora a inisiá búskeda di e tres sospechosonan.
Kuerpo Polisial Hulanda Karibense ta hasi un apelashon na un i tur ku por a wak òf ku por sa algu tokante e sospechosonan aki pa tuma kontakto ku polis via 715 8000 òf via e liña di tep anónimo 9310.
Bo a mira algu sospechoso? Yama 717 8000 òf e liña di tep anónimo 9310
