Kuerpo Polisial Hulanda Karibense ku departamentu di ‘Ketenbeslag’
Kralendijk - Resientemente Kuerpo Polisial Hulanda Karibense tin un departamentu di ‘Ketenbeslag’ na Boneiru. Esaki ta e departamentu ku ta atendé ku vehíkulo i biennan ku konfiská òf ku ta trese warda ‘in bewaring’.
Si a konfiská un vehíkulo òf bien e ta bai na e departamentu di ‘Ketenbeslag’. E trahadó enkargá ku e departamentu aki ta responsabel pa vigilansia di bo vehíkulo òf bien i pa eventualmente traha sita pa debolbé esakinan. E trahadó ta responsabel tambe pa, riba petishon di Ministerio Públiko, destruí vehíkulo òf bien.
Na momentu ku a konfiská òf a tuma bo vehíkulo òf bien bai warda kuné, ta nesesario pa bo duna polis bo number di telefòn i adrès di meil. Esaki pa asina por tuma kontakto ku bo pa atendé mas aleu. Por pensa aki riba pidi pa dokumentunan manera un reibeweis, papelnan di seguro, komprobante di kompra, etc.
Bo ke drenta den kontakto ku e departamentu di ‘Ketenbeslag’?
Pa mas informashon òf pa traha un sita por tuma kontakto ku e departamento di ‘Ketenbeslag’, di djaluna te ku djaweps entre 8 or di mainta i 5 or di atardi, via number di telefòn +599 715 8087 òf via meil ketenbeslag@politiecn.com.
