Akshon di limpiesa di ‘beslagruimte’ na warda di polis Playa
Kralendijk - Riba djamars 4 di yüni 2024 Kuerpo Polisial Hulanda Karibense (KPCN) ta organisá un akshon di limpiesa di e área ku ta kontené artíkulonan konfiská (beslagruimte) di warda di polis na Playa. Ta posibel ku en konekshon ku esaki, lo destruí vehíkulonan di dos wil. Di sierto artíkulo- i vehíkulonan e doñonan ta deskonosí.
Pa e motibu aki KPCN ta hasi un yamada na tur doño di vehíkulonan di dos wil ku a konfiská òf ku ta den ‘bewaring’ pa mèldu nan mes via meil na ketenbeslag@politiecn.com.
Komo doño bo mester mèldu ku un prueba di kompra i mester kumpli ku e lei- i reglanan pa loke ta konserní uso di vehíkulo. Aki por pensa riba por ehèmpel un reibeweis bálido i un prueba di seguro. Lo destruí tur vehíkulo ku no a rekohé promé ku djaweps 23 mei 2024 den e akshon di limpiesa di djamars 4 di yüni 2024.
Tambe lo inkluí vehíkulonan pa kua tin un poder hudisial pa destruí i/òf ku mester retirá for di tráfiko di forma adekuá den e akshon di limpiesa aki.
