Karnaval 2024: Disfrutá na un manera seif i responsabel

Den e temporada benidero Kuerpo Polisial Hulanda Karibense lo intensivá e kòntròlnan di tráfiko na sitionan stratégiko i ku ta hopi bishitá, ku akshon mas estrikto na momentu ku no kumpli ku reglanan di tráfiko. Ta esensial pa tur hende tene nan mes na e reglanan vigente di tráfiko, no solamente pa polis, sino tambe pa e seguridat di otro usuario di karetera. Konsientisashon di outomobilistanan i otro usuario di karetera ta krusial ora ta trata di bisti faha di seguridat, di e peliger di atendé ku telefòn miéntras ta stür, di e peliger di uso di alkohòl ora ku ta stür i kon pa transportá mucha di manera seif den outo na un manera responsabel (por ehèmpel no sintá dilanti den outo, sino den un stul pa mucha patras den outo.

KPCN ta enfatisá tambe e importansia di kuido di bo mes durante e periodo di karnaval. Paga bon tinu riba bo yunan, uza dòpi di orea pa nan i siña nan ken por yuda nan na momentu ku nan pèrdè. Skohe pa kùp re-usabel pa prevení situashonnan peligroso i si ta konsumí alkohòl traha afsprak pa hiba bo kas di manera seif.

Mirando e periodo largu ku bo ta for di kas durante di karnaval, ta rekomendabel pa sera bo kas bon i pa sòru pa e tin sufisiente iluminashon ora bo sali. Stashoná bo outo na un lugá seif, pero no tras di barikada i no laga kos balioso den outo. Asina nos por selebrá un karnaval seif i responsabel.

Kuerpo Polisial Hulanda Karibense ta deseá un i tur un felis Karnaval!