Notisia di polis di djaluna 29 di yüli te ku djárason 31 di yüli 2024
Adaptá pa último biaha riba:
Kralendijk - Detenshonnan pa maltrato - Riba djamars 30 di yüli, alrededor di 3 or di mardugá, a detené dos hóben riba Kaya Linda pa maltrato. Ta trata di un hòmber di inisial C.J.G.A. di 20 aña di edat i un mucha hòmber di inisial J.L.F.M.A. di 16 aña di edat. Ta investigando e kaso.
Kiebro den akomodashon turístiko
Riba djaluna 29 di yüli a drenta keho di kiebro den un akomodashon turístiko na Bulevar Gobernador Nicolaas Debrot. Deskonosínan a drenta e akomodashon i a bai ku un televishon di marka LG, dos ‘modem’, un Weber BBQ, un ‘microwave’ Inventum, diferente glas i kòpi, un aparato pa traha kòfi di marka Severin i un blènder di marka Oyster. Investigashon den e kaso ta andando.
