Sifranan di Kriminalidat i di Tráfiko 2023 pa Hulanda Karibense
Kralendijk - Bon biní na e sifranan di Kriminalidat i di Tráfiko 2023 pa Hulanda Karibense. Aki bo ta haña un bista detayá di e sifranan di Kriminalidat i di Tráfiko pa aña 2023 pa Hulanda Karibense. Kuerpo Polisial Hulanda Karibense(KPCN) a kompilá e datonan aki pa duna un bista di e situashon di seguridat riba nos islanan.
Nos mishon ta pa ofresé transparensia tokante e insidentenan ku a mèldu na polis i pa konsientisá públiko tokante e retonan ku nos ta konfrontá riba e área di kriminalidat i seguridat den tráfiko. Dor di hasi e datonan aki públiko, nos ta spera di por engrandesé e konfiansa di komunidat den e trabou di polis i pa traha huntu na un ambiente di biba seif i abitabel.
E página aki ta ofresé un bista general di e konklushonnan mas importante riba e área di kriminalidat i seguridat di tráfiko na Hulanda Karibense. Nos ta invitá bo pa eksplorá e datonan i pa asina sa mas tokante e dedikashon di KPCN pa salbaguardiá e seguridat di nos komunidat.
BON_Sifranan di Kriminalidat i di Tráfiko Boneiru 2023
EUX_Sifranan di Kriminalidat i di Tráfiko St Eustatius 2023
SAB_Sifranan di Kriminalidat i di Tráfiko Saba 2023
Pa mas informashon tokante e sifranan, bo por tuma kontakto ku nos tim:
E bosero di e Kuerpo Polisial Hulanda Karibense ta alkansabel na e number di telefòn +599 795 0732 / +599 795 4980 òf via meil: Pers.Voorlichting@politiecn.com.
