Number di emergensia: 911 Liña di tep di Polis: 9310

E tim di krimen sibernétiko di KPCN ta atvertí pa método nobo di ‘hacking’ na Boneiru

Adaptá pa último biaha riba:

Kralendijk - E tim di krimen sibernétiko di Kuerpo Polisial Hulanda Karibense ta atvertí habitantenan di Boneiru pa un método nobo pa ‘hack’ kuenta di medionan sosial. A resultá ku ta aserká hendenan na papiamentu riba plataforma di medionan sosial. Aki ta ofresé ‘yudansa’ pa ku bo kuenta. No ta tur ora ta kuenta nan deskonosí, pero por ta tambe un kuenta di ‘hack’ di un konosí ku ta hasi manera ta bo amigu.

Kon e ta funshoná?
Ta pidi bo pa kompartí bo informashon di ‘log-in’. Bou di bo informashon di ‘log-in’ ta kai: bo nòmber di uso, bo kódigo, kódigo di verifikashon i verifikashon di dos paso. Na momentu ku bo kompartí bo informashon di ‘log-in’, e kriminalnan sibernétiko ta tuma bo kuentanan ofer. For di e momentu ei nan tin kòntròl kompletu riba bo kuenta i ta hasi manera ta abo. Nan por usa bo kuenta tambe pa kometé otro delitunan dor di aserká tur bo kontaktonan riba medionan sosial i krea víktima nobo.

Tep pa prevení ku ta ’hack’ bo kuenta

Aki ta sigui algun tep kon pa evitá ku kriminalnan sibernétiko ta haña akseso na bo kuenta:
1. NUNKA kompartí bo informashon di ‘log-in’ ku otronan, tampoko ku famia i amistat!
2. No konfiá petishon di konosínan kaminda ta puntra pa bo kódigo i informashon di ‘log-in’.
3. Usa un kódigo fuerte. Mínimo 12 seña largu ku un kombinashon di lèter kapital, lèter chikí, sifra i símbolo.
4. Kambia bo kódigo por lo ménos 1 biaha pa aña.
5. Instalá e verifikashon di dos paso (hopi importante).
6. Paga tinu ku kompartí bo informashonnan
7. Evitá uso di ‘wifi’ públiko.
8. Aktualisá e ‘software’ di bo telefòn i kòmpiuter ku regularidat.
9. Usa un VPN (un Virtual Private Network ku ta lòk bo informashon).
10. Pensa lógiko.

Si bo a bira víktima di e método di ‘hacking’ aki, e tim di krimen sibernétiko di KPCN ta konsehá lo siguiente:
1. Saka un ‘screenshot’ di e nòmber di e profil i potrèt òf e number di telefòn.
2. Mèldu e intento di ‘hack’ na polis.
3. Raportá i seguidamente blòkia e kuenta ku ta purba ‘hack’ bo kuenta.

Si bo a bira víktima di e método di ‘hacking’ menshoná mas ariba, òf bo a haña bo konfrontá ku otro delitunan di krímen sibernétiko, por fabor tuma kontakto ku e departamentu di krimen sibernétiko di Kuerpo Polisial Hulanda Karibense na number di telefòn 715-8000 òf via meil cybercrime@politiecn.com.

Kompartí: