Number di emergensia: 911 Liña di tep di Polis: 9310

Notisia di polis di djabièrnè 3 di yanüari te ku djaluna 6 di yanüari 2025

Adaptá pa último biaha riba:

Kralendijk - Kas na kandela - Djadumingu, 5 di yanüari alrededor di 5 or di mainta, 'meldkamer' sentral a risibí notifikashon tokante un kas na kandela na Kaya Wiri. Na yegada di polis por a nota ku ku gran parti di e kas i tambe un outo tabatin basta daño dor di e kandela. Despues ku brantwer a logra paga e kandela personal di e departamentu di Investigashon Fórensiko di Kuerpo Polisial Hulanda Karibense a akudí na e sitio pa hasi investigashon. E resultado di e investigashon no por a konfirmá ni deskartá ku tabata trata di insendio den kaso aki. Den kurso di e siman aki ekspertonan di insendio lo yega for di Hulanda pa hasi investigashon mas aleu. No tabatin herido. Investigashon den e kaso ta kontinuá.

Ladronisia for di outo

Djasabra 4 di yanüari a drenta keho di ladronisia di un outo ku tabata stashoná na e bich Te Amo. Entre 1.30 or i 1.50 or di mèrdia deskonosínan a bai ku un tas di lomba kolo bèrdè di marka deber for di den e outo. Den e tas di lomba tabatin entre otro un kòmpiuter di sambuyá, Apple Airpods, Apple Powerbank, snòrkel di marka Cessi, etc. E outo no tabata na lòk. Ta investigando e kaso.

A topa ku skuter hòrtá

Durante di un patruya djasabra 4 di yanüari a topa ku un skuter kolo blou/pretu di marka Kymco. E skuter tabata benta banda di porta di kura di un kas situá den Stashi. E skuter tabata mustra di ta probablemente hòrtá komo ku e no tabatin plachi di number i e suich tabata kibra. Despues di investigashon mas aleu na e sitio a resultá ku tabata trata di un skuter pa kua a hasi denunsia di ladronisia. Deskonosínan a bai ku e skuter aki entre djadumingu 15 i djaluna 16 di desèmber for di un kas situá na Kaya Fedalma. A hiba e skuter warda di polis pa investigashon mas aleu.